Komisioni i Garave i Federatës së Futbollit të Kosovës ka bërë inicim disiplinor ndaj Lirisë për lëshim në organizim të ndeshjes.
Liria ka përfunduar në disiplinore për shkak të organzimit të dobët të ndeshjes kundër Vëllaznimit, ku disa tifozë vendas sulmuan futbollistët mysafirë.
Sipas Komisonit të Garave dy futbollistë të Vëllaznimit kanë pësuar lëndime, ndërkaq përpos në fundin e ndeshjes.
“Ndaj: FC ”Liria”. Motivi: Lëshim në organizimin e ndeshjes: Pas shënimit të golit të vendasve në minutën e 47-të tifozët vendas hedhin fishekzjarre në fushë duke ndërprerë ndeshjen për disa minuta si dhe pas përfundimit të ndeshjes, disa tifozë të FC “ Liria” kalojnë rrethojat dhe hyjnë në fushë për të festuar fitoren, mirëpo disa prej tyre sulmojnë lojtarët dhe stafin teknik të mysafirëve. Si pasojë dy lojtarë të KF “Vllaznimi” kanë pësuar lëndime. Vlen të përmendet se tifozët vendas prej fushës gjuajnë me mjete të forta tifozët mysafirë të cilët ishin në tribuna. Sipas raportit të personave zyrtar dhe xhirimit televiziv në ndeshjen Liria-Vëllaznimi”, thuhet në vendimin e KG-së
Përpos klubit nga Prizreni, në disiplinore ka përfunduar edhe ndihmëstrajneri i Lirisë, Kevin Xhafa.
Sipas raportit të ndeshjes, Xhafa e kishte fyer drejtorin sportiv të skuadrës mysafire për çfarë edhe ishte ndëshkuar me karton të kuq.
“Ndaj: Nd/ Trajnerit të FC “Liria”, Kevin Xhafa nr ID 038106. Motivi : Pas përfundimit të ndeshjes, kur lojtarët mysafirë sulmohen nga tifozët vendas, fyen dhe ofendon drejtorin sportiv të mysafirëve për çka ndëshkohet me karton të kuq direkt. Sipas raportit të personave zyrtar në ndeshjen Liria -Vllaznimi”, thuhet në vendimin e Komisionit të Garave të FFK-së.