Gjashtë të rinj përfunduan në prangat e Policisë së Kosovës, në orët e para të 25 shkurtit, në afërsi të një kafeneje në Mitrovicë të Veriut. Një përleshje mes të dyshuarve eskaloi më pas në sulm ndaj zyrtarëve policorë. Të dyshuarit u ndaluan dhe ndaj tyre tashmë ka nisur hetimi.
Rasti që ndodhi para kafenesë “Tre sheshira” është iniciuar në drejtim të veprës penale “Sulm ndaj personit zyrtar”.
Të dyshuarit janë Andrija Bigovic, Aleksandar Bigovic, Nikola Nedeljkovic, Nemanja Nedeljkovic, Igor Radivojevic dhe Bogosav Duric.
Pas ndërhyrjes se njësisë patrulluese për ta ndaluar rrahjen, të dyshuarit fillimisht i kanë ofenduar e më pas edhe i kanë sulmuar policët, ku tre zyrtar policorë kanë pësuar lëndime trupore.
“Duke u treguar profesionale në kryerjen e detyrave, policia ka ndërmarr te gjitha veprimet e nevojshme ku të dyshuarit pasi janë arrestuar janë sjellë në stacion policor ku ju është bërë matja me alkool test dhe të njëjtit kanë rezultuar se janë nën ndikim të alkoolit si më lartë, gjithashtu të gjithë të dyshuarit kanë pranuar trajtim mjekësor”, njoftoi Policia.