Presidenti francez, Emmanuel Macron e përshkroi Rusinë si një “kërcënim real” për Evropën në një fjalim të postuar në media sociale.
Ai tha se Shtetet e Bashkuara kanë “ndryshuar pozicionin e tyre” në luftën Rusi-Ukrainë, ndërsa po përpiqen të fillojnë një luftë tregtare me Evropën.
“Ne kemi përgatitur një plan paqeje në Ukrainë. Dua të besoj se SHBA do të jetë në anën tonë, por duhet të jemi gati nëse Shtetet e Bashkuara nuk janë me ne”, shtoi ai.
Macron tha se nuk ishin vetëm ukrainasit ata që po luftonin për lirinë e tyre.
“Është gjithashtu siguria jonë ajo që është nën kërcënim. Nëse një vend mund të pushtojë fqinjin e tij në Evropë dhe të mbetet i pandëshkuar, paqja nuk mund të garantohet më në kontinentin tonë”, përfundoi Macron.