Gjykata Themelore në Gjakovë e ka dënuar me një vit e gjashtë muaj burgim të pandehurin O.M për kërcënimin e gjyqtares në Dragash.
O.M është shpallur fajtor pasi më 26 prill të vitit 2024 në objektin e Gjykatës Themelore të Prizrenit – dega në Dragash, kishte kërcënuar gjyqtaren Nj.B.
“Në atë mënyrë që në ditën kritike, derisa ishte duke qëndruar në korridorin e kësaj gjykate fillon të bërtasë dhe ta kërcënojë, veprime të cilat i ka vazhduar në sallën e gjykimit”, thuhej në njoftimin e Gjykatës Themelore të Gjakovës.
“A je ti në mend, a je tu e ditë çka je tu fol, je tu shti me u vra dy familje. Unë me ty kam me u marr vesh privatisht”, i kishte thënë i pandehuri gjyqtares.