Një ngjarje e rëndë ka ndodhur pasditen e sotme në Kamëz, ku një fëmijë 2-vjeçar ka humbur jetën si pasojë e një aksidenti tragjik.
Sipas informacioneve nga Policia e Shqipërisë, aksidenti ka ndodhur rreth orës 17:30, ku një automjet me drejtues ende të paidentifikuar ka aksidentuar të miturin.
Pas aksidentit, fëmija është dërguar në Spitalin e Traumës nga familjarët për mjekim, por, fatkeqësisht, ka ndërruar jetë gjatë trajtimit.
Njoftimi i policisë:
Kamëz/Informacion paraprak
Rreth orës 17:30, në Spitalin e Traumës, familjarët kanë dërguar për mjekim një të mitur rreth 2 vjeç, të cilin e ka aksidentuar në Kamëz një automjet me drejtues ende të paidentifikuar.
Si pasojë i mituri ka ndërruar jetë në spital.
Grupi hetimor po punon për sqarimin e plotë e rrethanave të rastit.