Numri i rasteve të dhunës në familje ka marrë përmasa shqetësuese në vendin tonë. Të dyshuarit për këto ngjarje të trishta që po përfundojnë edhe tragjikisht, në shumicën e rasteve janë djemtë dhe burrat, ndërsa viktima vajzat dhe gratë.
Një ngjarje e tillë ka ndodhur së fundmi në një familje në Gjakovë.
Një 37-vjeçar po dyshohet se ka ushtruar dhunë ndaj bashkëshortes së tij, pas një debati verbal që plasi mes tyre.
Sipas informacioneve të para, i dyshuari e sulmoi gruan pasi djali i tyre i vogël u rrëzua dhe në shenjë revolte u kap me të.
Pas denoncimit të rastit, Policia ka arritur ta arrestojë të dyshuarin dhe i njëjti është shoqëruar në stacion policor për intervistim.
Ndaj tij, Prokurori i Shtetit ka urdhëruar masën e ndalimit policor, ndërsa gruaja bashkë me fëmijën ka shkuar te familja e saj.