Presidenti rus, Vladimir Putin, është deklaruar se aleatët e Ukrainës po dëshirojnë ta dobësojnë Rusinë, këtë e ka thënë vetëm pak orë para bisedës telefonike me presidentin amerikan, Donald Trump.
Këtë e tha ai gjatë një takimi me bizneset ruse, ku presidenti rus iu drejtua atyre që të mos llogarisin në rivendosjen e tregtisë plotësisht të lirë ose lëvizjes së kapitalit edhe nëse sanksionet ndaj Rusisë lehtësohen.
Presidenti rus gjithashtu ka akuzuar aleatët e Ukrainës se duan të “dobësojnë” Rusinë.
“Konkurrentët tanë gjithmonë do të duan të na dobësojnë. Edhe nëse njëra palë do heqë ose lehtësojë diçka, një metodë tjetër për të shkaktuar probleme për ne do të gjendet menjëherë”, ka thënë Putin.