Një incident i rëndë ka ndodhur paraditen e sotme në Shkodër, ku një person është therur me thikë.
Mediat në Shqipëri kanë raportuar se personi i therur me thikë është këngëtari shkodran Ademir Fresku.
Sipas Policisë, plagosja ka ndodhur pas një konflikti të çastit pranë teatrit në Shkodër. Policia ka identifikuar autorin Gjergj Dardha, 50 vjeç.
Tregtari, i cili shiste fruta-perime përpara një marketi ka plagosur me thikë këngëtarin Ademir Fresku, i cili njëherësh është edhe pronar i një lokali afër me fruta-perime.
