Policia e Kosovës e ka arrestuar një person që dyshohet për vrasjen e 19-vjeçarit A.Z. në Vushtrri, raporton Ekonomia Online.
Këtë e ka konfirmuar zëdhënësi i Policisë për rajonin e Mitrovicës, Avni Zahiti.
Ai ka thënë se i dyshuari B.D., 19-vjeçar, veprën e ka kryer me armë zjarri.
Pas bastisjes në shtëpinë e të dyshuarit, Policia ka konfiskuar edhe një armë e gjatë me pesë fishekë.
Ngjarja dyshohet të ketë lidhje me një incident të mëparshëm që kishte ndodhur disa ditë më parë në një nga shkollat e mesme të Vushtrrisë.
Lajmin për vrasjen e ka konfirmuar zyrtarisht Policia e Kosovës.
“Sonte, rreth orës 20:35, policia ka pranuar informatën për të shtëna me armë zjarri. Ngjarja ka ndodhur në rrugën ‘Galip Badivuku’ në Vushtrri,” tha zëdhënësi i Policisë për Mitrovicën e Jugut, Avni Zahiti.