Brenda 24 orëve, Vushtrria u trondit për të dytën herë.
Kësaj radhe pas vrasjes së një gruaje nga ish-punëdhënësi i saj, pronar i një furre në Milloshevë.
Gazmend Morina tregoi detaje, tha se shkaku dyshohet të ketë qenë lëshimi i punës.
“Me të ishte edhe një grua tjetër me një fëmijë. Dorasi ka gjuajt në drejtim të saj, ajo ka ik duke hyrë në një dyqan bashkë me fëmijën e saj. E kanë raportuar rastin tek familjarët dhe policia. Ai ka bërë vetëvrasje. E ndjera ka punuar kohë më parë bashkë me burrin e saj, në furrën e dorasit. E kanë lëshu punën, ai është merr me dicka tjetër e kjo ka hy në një biznes të ngjashëm, tek një konkurrent përball biznesit të tij në Milloshevë. Sipas familjarëve ky është shpjegimi, pse ma ke lëshu punën?“, tha Morina