Aktivistët e nismës “Asnjëcentmëshumë” i kanë bërë “dhuratë” një torte me mbishkrimin “15%” kryetarit të Zyrës së Rregullatorit për Energji, Ymer Fejzullahu, në një parking të enjten.
Por Fejzullahu nuk e pranoi dhe më pas aktivisti Dibran Hoxha ia hodhi tortën kur kryetari i ZRRE-së hyri brenda në veturë.
Aksioni i sotëm i paraprin atij të së hënës brenda zyrave të ZRRE-së.
Aktivistët po kundërshtojnë rritjen e paralajmëruar prej 15 për qind të çmimit të rrymës duke nisur nga prilli. Të shtunën nga ora 15:00 është paraparë të mbahet protesta në sheshin “Skënderbeu” në Prishtinë.