Ish-shefi i grupit parlamentar të Lidhjes Demokratike të Kosovës, Arben Gashi nuk i ka komentuar bisedat e fundit të kryesisë së kësaj partie që janë publikuar në një grup në “Viber”.
Kontaktuar nga Klankosova.tv, Gashi u përgjigj shkurt: “S’kam koment!”.
Klankosova.tv kontaktoi edhe me nënkryetari i LDK-së, Anton Quni, i cili nuk pranoi të përgjigjet lidhur me rastin.
Në grupin në “Viber”, insistohej nga disa prej anëtarëve të Kryesisë së Lidhjes Demokratike të Kosovës për orkestrimin e një “skeme të organizuar kriminale” brenda partisë.
Në mesazhet e publikuara nga Reporteri, Gashi thotë se ka pasur vjedhje të votave të diasporës.
Gashi në grup kërkon që ky rast të cilësohet si “skemë kriminale”.
“Faktet po ulërasin o Kujtim. Ti duhet me u pajtu me shqetësimin, për krimin qe ka ndodhë”, ka shkruar Arben Gashi në grup.