Nënkryetari i Vetëvendosjes, Glauk Konjufca, ka thënë se presin që “shumë shpejt” të themelohet Qeveria e re.
“Krejt çka presim është që të themelohet shumë shpejt Qeveria e Republikës së Kosovës në Parlament. Fillimisht Parlamenti duhet të konstituohet”, tha Konjufca.
I pyetur nga gazetarët nëse i kanë numrat për votimin e Qeverisë, Konjufca u shpreh optimist.
“Besoj që i kemi numrat”, tha shkurt Konjufca.
Ndërsa, Presidenca e Kosovës sot bëri me dije se dekreti për seancën konstituive pritet të publikohet sot gjatë ditës.