Vlora Çitaku, Sekretare e Përgjithshme e Partisë Demokratike të Kosovës( PDK) ka thënë se suksesi i një qeverie nuk varet ekskluzivisht nga numrat.
“Sikur të varej nga numrat, kjo qeveri e cila ka udhëhequr Kosovën deri më sot, ka pas pushtet absolut dhe nga e njëjta listë zgjedhore kanë dal bartësit e të gjitha institucionet të Republikës së Kosovës”. Çfarë ka prodhuar?, ka pyetur Çitaku.
“Stabiliteti nuk varet nga numrat, as efikasiteti, as suksesi në punë, ato varen nga planet, projektet”, ka thënë ajo.
Tutje sekretarja e PDK-së ka thënë se partia e saj ka “tërësisht botëkuptime të kundërta” me Lëvizjen Vetëvendosje.
Sipas saj, Vetëvendosje e sheh qeverinë si instrument për të nënshtruar qytetarin dhe për ta mbajtur të varur nga ai(LVV).
“Ne e shohim qeverinë si instrument për të pavarësuar qytetarin”, ka thënë Çitaku.