Me autorizim të Prokurorit të Shtetit, Policia e Kosovës ka shpallur në kërkim dy shtetas shqiptarë, duke publikuar fotot dhe të dhënat e tyre, raporton Gazeta Sinjali.
Ata dyshohen për veprën penale “Kultivim i bimës së hashashit, shkurres së kokainës ose bimëve të kanabisit”, si dhe për veprën penale “Blerja, shpërndarja dhe shitja e paautorizuar e narkotikëve, substancave psikotrope dhe analoge”.
Siç ka njoftuar Policia, bëhet fjalë për:
Klodian Qokli, i lindur më 02.05.1989 në Elbasan, me vendbanim në rrugën “Naim Frashëri”, Cërrik.
Shkëlqim Xhija, i lindur më 16.05.1987 në Elbasan, me vendbanim në Cërrik-Elbasan.
Të dy të dyshuarit ndodhen në arrati.
Policia e Kosovës u bën thirrje qytetarëve që të ndihmojnë me informacione për lokalizimin e personave në kërkim.