Ministrja e Punëve të Jashtme, Donika Gërvalla, ka pritur në takim ambasadorin britanik në Kosovë, Jonathan Hargreaves.
Gërvalla tha se me Hargreaves folën rreth fuqizimit të mëtejmë të bashkëpunimit dypalësh dhe avancimit të projekteve të përbashkëta në fusha me interes të ndërsjellë.
“Gjithashtu, i shpreha mirënjohjen time për vizitën e Sekretarit të Jashtëm, David Lammy, një mik i çmuar i Kosovës dhe vlerësova angazhimin e tij për mbështetjen e Kosovës dhe forcimin e vazhdueshëm të marrëdhënieve ndërkombëtare”, shkroi Gërvalla.