Këshilli i Prokurorial i Kosovës (KPK) ka mbajtur sot takimin e 265-të, i cili ishte i udhëhequr nga kryesuesi Ardian Hajdaraj.
Në njoftimin e lëshuar për media thuhet se janë miratuar një mori pikash, ndër to edhe plani vjetor i punës së KPK-së për vitin 2025.
Më poshtë i keni pikat e plota që janë miratuar:
– Aprovoi kërkesën e Autoritetit Kompetent të Prokurorisë Themelore në Prizren për fillimin e hetimeve në rastin AD.nr.4/25 dhe themeloi Panelin hetimor për këtë rast disiplinor ndaj një prokurori;
– Miratoi Raportin Vjetor për zbatimin e Planit të veprimit të Planit strategjik të sistemit prokurorial të Kosovës për vitin 2022-2024;
– Miratoi Planin Vjetor të Punës së Këshillit Prokurorial të Kosovës për vitin 2025;
– Emëroi prokurorin Shukri Jashari në detyrën e anëtarit të Këshillit Drejtues në Akademinë e Drejtësisë nga radhët e prokurorëve të prokurorive themelore;
– Miratoi Raportin e Komisionit për Transferim dhe Avancim dhe avancoi prokurorin Anton Hasanaj në Departamentin për Krime të Rënda në Prokurorinë Themelore në Gjakovë;
– Miratoi Raportin Përmbledhës të Vlerësimit Vjetor nga kryeprokurorët për prokurorët e shtetit për vitin 2024.