Ish-kryetari i Prishtinës, Shpend Ahmeti, e ka përkrahur kërkesën e presidentes Vjosa Osmani, që Kosova t’ia heq tarifën për prodhimet amerikane.
Ahmeti tha se një vendim i tillë, në kohën kur krejt reagimet e shteteve janë negative ndaj Administratës Trump, do të ishte i rëndësishëm.
“Heqja e tarifës 10 përqind nga Kosova për prodhimet amerikane nuk ka fare rëndësi ekonomike për ShBA. Mirëpo, në kohën kur krejt reagimet e shteteve janë negative ndaj administratës së Trumpit,
një vendim i tillë ka rëndësi politike për Trump. Prandaj është vendim i rëndësishëm”, shkroi Ahmeti.
Presidentja e vendit, Vjosa Osmani, dje i ka bërë kërkesë Qeverisë së Kosovës që t’ia heq tarifat për prodhimet amerikane, Shteteve të Bashkuara të Amerikës.