Reshjet e dendura të dëborës kanë shkaktuar probleme në qarkullimin rrugor në Shqipëri.
Në aksin Peshkopi-Maqellarë dhjetëra mjete janë bllokuar në dy pika një tek ura e Melanit, dhe një bllokim tjetër tek malorja e Dovolanit.
Reshjet vijojnë me intensitet të lartë dhe në këto momente në këto pika ka mbi 20 cm dëborë.
Kompania për mirëmbajtjen e rrugës ka nxjerrë vetëm 4 mjete borëpastruese të cilat janë të pamjaftueshme për të zhbllokuar aksin, ndërsa një pjesë e shoferëve janë gjetur në befasi pasi kanë hequr gomat e dimrit.
Situatë e njëjtë është edhe më aksin Peshkopi-Kukës ku trashësia varion deri në 30 cm në Kalanë e Dodës, por nuk raportohen bllokime.