Ministrja e Drejtësisë në detyrë nga radhët e Lëvizjes Vetëvendosje, Albulena Haxhiu, tha se
ajo çka dihet deri tani është emri i kryeministrit, duke aluduar në Albin Kurtin, raporton Ekonomia Online.
“Asnjë prej çështjeve që ne i kemi thënë për subjektet politike nuk jemi tërhequr nga asnjëra nga ato çështe. Po flas për qëndrimet publike politike që i kemi pasur për subjekte politike. Prokuroria themelore është duke i bërë hetimet. Secili person që është i përfshirë në këtë krim me votat e mërgatës duhet të japë përgjegjësi.
“Të gjitha veprimet tona kanë qenë publike dhe transparente. Deri në seancën konstituive janë edhe shtatë ditë. Nuk e përjashtojë mundësinë që do të këtë përpjekje të tjera për takime. Kurti ka ftuar për takim LDK-në për nesërt ose pasnesër. Qëllimi është konstituimi i Kuvendit. Ajo çka dihet deri tani është emri i kryeministrit. Nuk dihen emrat e tjerë që do t’i kenë, qoftë në qeveri, qoftë në Kuvend. Kushtetuta e përcakton qartë që kryetari i Kuvendi propozohet nga partia me më shumë vota”, tha Haxhiu./Ekonomia Online/
