Dollari amerikan ka rënë në nivelin më të ulët ndaj euros në mbi tre vjet, dhe kjo për shkak të përshkallëzimit të mëtejshëm të tensioneve tregtare ndërmjet Shteteve të Bashkuara të Amerikës dhe Kinës.
Sky news ka shkruar ky konflikt ndërmjet dy shteteve, që kanë ekonominë më të madhe në botë ka krijuar pa siguri në tregjet financiare globale, duke shtruar trysninë mbi monedhën amerikane dhe duke nxitur investitorë të largohen nga asetet e lidhura me dollarin.
1 euro këmbehej me 1.14 dollarë amerikanë në orën 9 të mëngjesit në Mbretërinë e Bashkuar, niveli më i ulët i dollarit kundrejt monedhës evropiane që nga shkurti i vitit 2022.
Ky zhvlerësim pasqyron rënien e besimit të tregjeve në qëndrueshmërinë afatshkurtër të ekonomisë amerikane, në kushtet kur barrierat tregtare dhe tarifat shtesë po ndikojnë negativisht në rrjedhën e shkëmbimeve ndërkombëtare dhe në perspektivën e rritjes ekonomike.