Ministria e Punëve të Jashtme e Serbisë ka reaguar ashpër ndaj vendimit të Sudanit për të njohur pavarësinë e Kosovës, duke e cilësuar si një “shqetësim serioz” dhe një “vendim verbal”, shkruan Gazeta Sinjali.
Në deklaratën zyrtare, MPJ-ja serbe vë në pikëpyetje legjitimitetin e qeverisë së Sudanit për të marrë vendime të tilla.Situata aktuale politike në Sudan, e karakterizuar nga pasiguria dhe mungesa e legjitimitetit të qeverisë aktuale, vë në pikëpyetje vlefshmërinë e vendimeve të tilla ndërkombëtare. Kapaciteti i qeverisë aktuale të Sudanit për të marrë vendime me rëndësi jetike për marrëdhëniet ndërkombëtare, veçanërisht në kontekstin e çështjeve që kanë të bëjnë me sovranitetin dhe integritetin territorial të shteteve anëtare të Kombeve të Bashkuara, është e diskutueshme”, thuhet në deklaratë.Më tej, Serbia i bën thirrje Sudanit të tërheqë vendimin për njohjen e Kosovës.
“Në të njëjtën kohë, ne i bëjmë thirrje qeverisë së Sudanit që të rishqyrtojë vendimin e saj, duke pasur parasysh kompleksitetin dhe delikatesën e situatës”, përfundon reagimi zyrtar.