Nënkryetarja e Partisë Demokratike të Kosovës, Vlora Çitaku, ka vlerësuar guximin e Ramadan Nishorit, burri i parë që bëri publik rrëfimin e tij si i mbijetuar i dhunës seksuale gjatë luftës në Kosovë.
“E dije se rrëfimi yt është më shumë se një tregim, është dëshmi, është thirrje për drejtësi.” – ka shkruar mes tjerash Çitaku në Facebook.
Statusi i plotë:
I nderuari Ramadan,
Sot dëshmove forcë dhe guxim të jashtëzakonshëm.
Nuk do ta harroj kurrë takimin tonë të parë, fjalët e tua dhe dëshminë tënde rrënqethëse.
Sot, si atëherë, u gjende madhështor përballë së vërtetës, përballë dhembjes dhe përballë kujtimeve që kërkojnë zemër të madhe.
E dije se rrëfimi yt është më shumë se një tregim, është dëshmi, është thirrje për drejtësi.
Dhe për këtë, kurrë nuk do të jesh vetëm.
Sot e përherë, do të më kesh në krah, mua dhe shumë miq e dashamirë.