Deputetja e Lëvizjes Vetëvendosje, Mimoza Kusari-Lila, ka akuzuar partitë opozitare për mungesë bashkëpunimi në procesin e konstituimit të Kuvendit të Kosovës. raporton Ekonomia Online.
Ajo ka theksuar se është përgjegjësi e deputetëve të zgjedhur që të dalin nga ngërçi politik dhe jo të presin ndërhyrje nga jashtë.
“Nëse ne nuk debatojmë si të zgjedhurit e popullit për të dalë nga ky ngërç, nga kush të presim, nga ambasadat?”, u shpreh Kusari-Lila. Reagimi i saj erdhi pas kritikave të partive opozitare ndaj Kryesuesit të seancës konstituive, Avni Dehari, për thirrjen e konsultimeve me përfaqësues politikë.