Ministri në detyrë i Bujqësisë, Faton Peci ka thënë që deputetet e partive që kanë votuar kundër raportit për verifikimin e mandateve të heqin dorë nga pozita e deputetit dhe KQZ t’i zëvendësojë ata me emrat e kandidatëve pasues në listat e partive politike, me të cilat garuan në zgjedhjet e 9 shkurtit.
Kjo pasi që sipas Pecit, ata kanë hequr dorë nga mandati i deputetit.
“Opsioni i parë që është garanca e funksionimit demokratik dhe respektimit të Kushtetutës, është që këta deputetë të cilët e kanë refuzuar mandatin, thjeshtë të zëvendësohen me emrat e partisë së tyre. Që nënkupton që ata që kanë votuar kundër. Opsioni i parë është që të gjithë këta që kanë votu kundër meqenëse e kanë refuzu mandatin, le të hjekin dorë, meqë në praktikën parlamentare nuk votohet dy herë për të njëjtën çështje, në rast se ta zëmë një ëikë e rendit të ditës në Kuvend nuk i merr votat e mjaftueshme, praktika parlamentare është rikthimi tek pjesa e asaj që quhet sponsorues. Në këtë rast sponsorisues i pikës për verifikim e mandateve është KQZ dhe pika ku mundemi mu kthy është KQZ,me konstatu se disa deputetë kanë refuzuar marrjen e mandatit dhe rrjedhimisht zëvendësimi i tyre me deputetët të ri. 24 deputetë i ka PDK, disa prej tyre mesa kam informacion nuk kanë votu kundër, 20 LDK-ja. 120 i ka pas në listë, edhe 90 tjerë i ka në listë. Le të vazhdon zëvendësimin e deputetëve. Nëse në LDK i pari është Lumir Abdixhiku le t’ia liron vendin ta zëmë Shkëmb Manajt edhe deputetëve të tjerë. Te PDK meqenëse Memli dhe të tjerët kanë refuzu le të ia lirojnë vendin të tjerëve që janë në radh. psh ketu është Bekim Haxhiu dhe deputetë të tjerë të cilët munden me ardhë mu deklaru para qytetarëve se a pranojnë mandatin.”, ka thënë Peci.
Ai tha se ky është njëri prej opsioneve se si mund të debllokohet situata.
Peci tha se ky është opsion ligjor dhe kushtetues.