Aleanca Kosovare e Biznesit (AKB), shpreh shqetësimin e thellë për moskonstituimin e Kuvendit të Kosovës pas dy tentimeve të pasuksesshme.
“Ngërçi politik dhe institucional dërgon sinjale negative për stabilitetin e vendit, cenon besimin e investitorëve dhe dëmton klimën afariste.
Apeloj tek të gjitha subjektet politike që të veprojnë me përgjegjësi të lartë shtetërore, të lënë anash interesat partiake dhe të kontribuojnë në funksionalizimin e institucioneve sa më parë.
Biznesi kërkon stabilitet, siguri ligjore dhe institucione funksionale që i shërbejnë qytetarëve dhe zhvillimit ekonomik të qëndrueshëm.
AKB është gjithmonë e gatshme të kontribuojë në dialog dhe bashkëpunim për ndërtimin e një të ardhmeje më të mirë për të gjithë qytetarët e Kosovës, sot ne presim një fillim të mbarë dhe konstituim të institucioneve të Kosovës”, tha kryetari i AKB-së Agim Shahini.