Gjesti ka triumfuar në edicionin e katërt të Big Brother VIP Albania, duke u shpallur fitues i këtij sezoni dhe rrëmbyer zemrat e publikut me rrugëtimin e tij emocional.
Në momentin që u lexua emri i tij si fitues, ai nuk i përmbajti emocionet – u ul në gjunjë, i pushtuar nga ndjenja e fortë e mirënjohjes dhe gëzimit.
Pak çaste përpara se të ngjitej në studio për të falënderuar publikun për përkrahjen, opinionistët ndanë komentet e tyre për përvojën e Gjestit brenda shtëpisë.
Arbri, një nga opinionistët e emisionit, i dha fitores së tij një domethënie të veçantë, duke e lidhur me përfaqësimin e Kosovës dhe mesazhin që ai përcolli gjatë qëndrimit në shtëpi.
“Gjysma jonë më e mirë, Kosova, mori atë që e meritonte. Gjesti, për mendimin tim, ai dha një mesazh shumë të madh, i cili mund të përshkruhet në një fjali: Edhe atëherë kur jeta të vendos në vështirësi shumë të mëdha, ulesh në gjunjë, por nuk dorëzohesh, çohesh, vjen në Shqipëri dhe del fitues,” u shpreh ai.