Prokuroria Themelore në Prishtinë ka konfirmuar zhvillimin e një aksioni të përbashkët me Njësinë e Antidrogës së Policisë së Kosovës në lagjen Veternik të kryeqytetit, transmeton IndeksOnline.
Sipas njoftimit zyrtar, gjatë këtij operacioni janë sekuestruar mbi 2 kilogramë substancë narkotike.
“Aksioni është zhvilluar në koordinim të plotë mes Prokurorisë dhe Policisë, ndërsa hetimet janë ende në zhvillim,” thuhet në komunikatën për media.
Prokuroria ka bërë të ditur se po vazhdon puna për zbardhjen e plotë të rrethanave të rastit, ndërsa priten veprime të mëtejme hetimore në ditët në vijim.