Asociacioni i Gazetarëve të Kosovës (AGK), ka njoftuar se gazetarët kanë bojkutuar kryeministrin në detyrë, Albin Kurti.
“Gazetarët bojkotojnë kryeministrin në detyrë, Albin Kurti, Gazetarët e kameramanët e medieve vendore kanë vendosur mikrofonët e kamerat e tyre në tokë, këtë të mërkurë, në kohën që kryeministri në detyrë, Albin Kurti po dilte nga ndërtesa e Kuvendit të Kosovës për të shkuar në Qeveri”, thuhet në njoftim.
Sipas AGK-së ky veprim i gazetarëve ka ndodhur në shenjë proteste pasi që Kurti nuk e ka thënë asnjë fjalë për mediat në asnjërën nga 5 mbledhjet e Kuvendit brenda një jave.
“Asociacioni i Gazetarëve të Kosovës i fton të gjithë akterët politikë, dhe në këtë rast më së shumti kryetarin e partisë që ka fituar më së shumti ulëse në Kuvend, që të jetë transparent me mediat dhe publikun, për një temë kaq të rëndësishme sic është konstituimi i legjislaturës së re”, thuhet tutje në njoftim.