Turqia është shprehur se e konsideron Izraelin një shtet terrorist.
Dhe së fundmi në rrjete sociale ka filluar të shpërndahet përsëri një fjalim i presidentit Recep Tayyip Erdogan në parlament, duke lëshuar një kërcënim të drejtpërdrejtë ndaj Tel Avivit ndërsa sfidoi kryeministrin Benjamin Netanyahu të zbulonte nëse Izraeli posedon apo jo bomba bërthamore.
“Hej, Izrael! Ti ke një bombë bërthamore dhe po na kërcënon me atë armë. Ne e dimë këtë. Por vdekja po të vjen. Pavarësisht nëse ke një bombë atomike ose çfarëdo arme të jetë ajo, ju do të zhdukeni”, deklaronte Erdogan një vit më parë.
Ai akuzoi Izraelin për kryerjen e një gjenocidi kundër palestinezëve në Gaza dhe paralajmëroi për një çështje ligjore ndërkombëtare.
“Mijëra avokatë po ngrenë aktualisht këtë çështje në Gjykatën Ndërkombëtare të Drejtësisë në Hagë. Izraeli po kryen një gjenocid dhe ne do të bëjmë të gjitha përpjekjet e nevojshme lidhur me këtë çështje.”Ndryshe, presidenti turk ka vazhduar të dënojë sulmet e Izraelit në Gaza.
Ai së fundmi kritikoi “heshtjen e bashkësisë ndërkombëtare”.
“Qeveria izraelite, në një gjendje të çmendurisë së plotë, po masakron pa dallim palestinezët”, tha Erdogan gjatë një takimi të grupit parlamentar pro-palestinez në Stamboll.