Analisti politik, Dardan Sejdiu ka folur rreth arsyeve se pse qytetarët e Kosovës po braktisin vendin e tyre.
Sejdiu radhiti tri prej ‘pasigurive’ më të mëdha, që sipas tij, qytetarët e Kosovës i kanë në vendin e tyre, andaj marrin rrugën e migrimit për një jetë më të mirë.
“Unë mendoj se janë tri pasiguri të mëdha që i ka ky vend dhe i shtinë njerëzit me dalë prej këtij vendi. E para ka të bëjë me pasigurinë që e kemi sa i përket të ardhmes. E ardhmja për në është e paqartë”.
“E dyta ka të bëjë me perceptimin që e kemi, përshtypjen, për sistemin tonë shëndetësor”, tha ai.
“Dhe pasiguria e tretë, e që po besoj që është jashtëzakonisht me rëndësi, është kjo pasiguria e vendit, e punës, e të ardhurave, a mjafton”.