Sekretari Amerikan i Shtetit dhe Ministria e Jashtme e Gjermanisë janë përplasur publikisht në rrjetin social “X” pasi shteti gjerman e kualifikoi partinë “AfD” si ekstremiste.
Rubio ka kritikuar shtetin gjerman se i ka thënë më shumë të drejta agjencisë së inteligjencës për të vëzhguar opozitën. Sipas Sekretarit Amerikan, ajo çfarë është ekstremiste, s’është AfD, por politikat e shtetit gjerman për imigracionin, të cilat AfD i kundërshton.
Ndaj kësaj kritike të hapur të Rubios s’kanë qëndruar pa përgjigje as gjermanët, duke thënë se historia ka mësuar që ekstremizmi i djathtë duhet të ndalet.
“Kjo është demokracia. Ky vendim është rezultat i një hetimi të plotë dhe të pavarur për të mbrojtur Kushtetutën dhe sundimin e ligjit tonë. Janë gjykatat e pavarura ato që do të kenë fjalën e fundit. Ne kemi mësuar nga historia jonë se ekstremizmi i krahut të djathtë duhet të ndalet”, është kundërpërgjigjur Ministria e Punëve të Jashtme e Gjermanisë.