Policia e Kosovës ka arrestuar një 39-vjeçar të dyshuar për vjedhjen e pesë krerëve bagëti – viça, në fshatin Soponicë të Kaçanikut. Ngjarja ka ndodhur më 1 maj, ndërsa dëmi i shkaktuar llogaritet rreth 6 mijë euro.
Pas hetimeve të zhvilluara nga Njësia e Hetimeve dhe me autorizim të prokurorit, i dyshuari P.H. u arrestua më 5 maj rreth orës 14:40 dhe u shoqërua në stacionin policor në Kaçanik. Ai është ndaluar për 48 orë për procedura të mëtejshme ligjore.