Janë bërë homazhe për nder të 25-vjetorit të rënies së Ekrem Rexhës, komandant Drinit.
Komuna e Prizrenit ka bërë të ditur se janë bërë homazhe tek varri i të ndjerit, duke u shtuar se u nderua kontributi i tij dhe i gjithë dëshmorëve të Ushtrisë Çlirimtare të Kosovës për lirinë dhe pavarësinë e vendit.
“Me këtë rast Kryetari Shaqir Totaj shprehu mirënjohjen dhe respektin për sakrificat e paharruara të heronjve të kombit”, thuhet në njoftimin e komunës.
Në këtë përvjetor, në emisionin “Ora 7” në Klan Kosova, ka folur për herë të parë djali i të ndjerit, Ekrem Rexha, i cili kishte lindur vetëm disa muaj pas vrasjes së babait të tij.
“Që 25 vite po kërkojmë drejtësi. Që 25 vite po jetojmë me një pikëpyetje të madhe si familje, si qytetarë. Asnjë institucion, as gjykata themelore, ajo e apelit, shtetërore apo edhe ajo special, nuk kanë arritur të japin një përgjigje apo të na ofrojnë qoftë edhe një fije shprese”, tha ai.