AAK-ja bëri të ditur se sot në ora 11:00 do të dërgojë lëndë në Gjykatën Kushtetuese në lidhje me votimin e fshehtë në seancën konstituive të Kuvendit të Kosovës, raporton Ekonomia Online.
Një ditë më parë, deputetja e AAK-ja, Time Kadrijaj, tha se tashmë i kanë mbledhur dhjetë nënshkrimet e deputetëve për këtë lëndë.
“Më 12 maj 2025, në orën 11:00, deputetët e AAK-së do të dorëzojnë kërkesën për vlerësim të kushtetutshmërisë së vendimit të Kuvendit të Kosovës për refuzimin e formimit të Komisionit për votim të fshehtë si dhe të të gjitha vendimeve të tjera me natyrë të njëjtë, të marra në seancat paraprake dhe të mëvonshme për të njëjtën çështje, i përmbajtur në dokumentin e titulluar; “Transkript i Mbledhjes Konstituive të Kuvendit të Republikës së Kosovës, e mbajtur më 15, 17, 19, 21, 23, 25, 27, 29 prill si dhe më 1, 3 dhe 5 maj 2025”, tha deputetja e AAK-së Kadrijaj.