Kryetari i Aleancës për Ardhmërinë e Kosovës, Ramush Haradinaj, ka konfirmuar pjesëmarrjen në takimin e thirrur nga Presidentja Vjosa Osmani për të diskutuar zgjidhjen e ngërçit politik në Kuvend.
Lajmi është bërë i ditur nga zëdhënësi i AAK-së, Kushtrim Xhemajli, i cili tha për Ekonomia Online se Haradinaj do të jetë pjesë e konsultimeve presidenciale.
“Po, kryetari Ramush Haradinaj do të marrë pjesë në takimin e thirrur nga Presidentja”, tha ai.