Abdullah Klinaku nga Demokracia Konservatore tha se kur shihet që Serbia synon përmes njerëzve të caktuar t’i cënojë vlerat e caktuara të vendit tonë, sipas tij, duhet ndërtuar një diskurs sa më racional.
Klinaku tha se kushdo që synon ta cenojë ekuilibrin e identitetit kombëtar e fetar sipas tij, u shërben armiqve të vendit tonë.
“Unë besoj që në momente kur shohim që Serbia synon që përmes njerëzve të caktuar të manipulojë vlera të caktuara të vendit ose t’i cënojë vlerat e caktuara të vendit tonë, ne duhet ta ndërtojmë një diskurs sa më racional, sa më ta kujdesshëm për të çuar mesazhin sa më të mirë, që ne jemi unik rreth vlerave tona, rreth shtetit tonë, kombit tonë, besimit tonë, bashkëjetesës së vendit tonë dhe të gjitha”.
“Kush synon t’i cënojë ekuilibrat e identitetit tonë kombëtar, fetar, të bashkëjetesës, është duke i shërbyer me dije, apo pa dije, armiqëve të vendit tonë”, është shprehur tutje ai.