Derisa studentët në Serbi po mobilizohen masivisht kundërpresidentit serb Vuçiq, ai organizoi sot një tubim në qytetin e Nishit. Përkrahësit e tij u grumbulluan në një zonë të rrethuar me gardhe metalike, ku u vendosën çadra, tualete mobile dhe një skenë për koncertin e këngëtarit nacionalist Aca Lukas.
Mitingu i promovuar si shfaqje e forcës së Vuciqit, po zhvillohet në të njëjtën kohë me protestat e studentëve serb në qytete Nish dhe Suboticë, të cilët kërkojnë drejtësi, llogaridhënie dhe fundin e represionit shtetëror.
Pavarësisht përpjekjes së Vuçiqit për mobilizim, pjesëmarrja në mitingun e tij rezultoi më e ulët se sa pritej.
Protestat studentore në Serbi kanë tërhequr vëmendjen e bashkësisë ndërkombëtare, ndërsa shumë analistë i krahasojnë ato me protestat që çuan në rrëzimin e regjimit të Sllobodan Millosheviqit në vitin 2000. Protestat janë përhapur në më shumë se 100 qytete dhe fshatra te Serbisë , duke marrë mbështetje nga bujqit, mësuesit, punonjës të drejtësisë dhe qytetarë të zakonshëm.