Presidentja e Republikës së Kosovës, Vjosa Osmani, është pritur në një takim bilateral nga Presidentja e Konfederatës Zvicerane, Karin Keller-Sutter, së bashku me të shtatë anëtarët e Qeverisë Federale të Zvicrës, raporton Ekonomia Online.
Në takim morën pjesë edhe përfaqësues të delegacionit nga Kosova, përfshirë kryetarin e Komunës së Drenasit, Ramiz Lladrovci, kryetarin e Shtimes, Qemajl Aliu, dhe atë të Obiliqit, Xhafer Gashi.
Gjatë këtij takimi, u diskutuan tema të rëndësishme që lidhen me marrëdhëniet ndërmjet dy shteteve, përfshirë bashkëpunimin në fusha të ndryshme si ekonomia, arsimi, kultura dhe diaspora.
Pas përfundimit të takimit, delegacionet do të drejtohen drejt qendrës mediatike, ku do të mbahet një konferencë për media.
