Presidenti amerikan, Donald Trump ka paralajmëruar se do të vendosë tarifa prej 50% ndaj Bashkimit Evropian, duke filluar nga 1 qershori 2025, për shkak të bisedimeve tregtare që sipas tij nuk po arrijnë asnjë marrëveshje.
Lajmi u bë i ditur përmes një postimi në rrjetin social Truth Social.
Ky është një përshkallëzim i ri i mosmarrëveshjeve tregtare mes SHBA-së dhe BE-së, me Trump që akuzon Brukselin për dëme ekonomike ndaj Shteteve të Bashkuara. Këto tarifa do të ndikojnë në mënyrë të konsiderueshme marrëdhëniet tregtare mes dy palëve, duke rritur tensionet në skenën ndërkombëtare.