Qytetarët kanë shprehur shqetësim për mosformimin e institucioneve qeveritare në Kosovë, duke e cilësuar situatën si të dëmshme për vendin dhe qytetarët.
Ata për Ekonomia Online, gjithashtu e kanë cilësuar shqetësuese heshtjen e kryeministrit Albin Kurti, i cili tashmë për 20 seanca nuk ka dhënë asnjë deklaratë.
Pashkë Desku u shpreh se mungesa e qeverisë nënkupton mungesë përgjegjësie dhe autoriteti, duke theksuar se vendi po mbetet “pa zot shtëpie”.
“Është problem se kur nuk formohet qeveria, jemi pa zot shtëpie nuk ka kush të përgjigjet sepse nuk ka autoritet që e ka dhënë votën qytetari. Po dëshirojnë të bëjnë probleme dhe të mos formojnë institucionet të cilat neve na nevojiten dhe janë nëse të domosdoshme për të mirën e qytetarëve. Ai nuk po flet për askënd, nuk po ia dimë mendimin, ne nuk po dimë asgjë është dashur të flet diçka para gazetarëve për me mundur ta analizojmë mendimin e tij. Mos formimi i organeve qeveritare është degradim për popullatën dhe shtetin e Kosovës”, ka thënë Desku.
Ndërkaq, Azem Doda theksoi rëndësinë e marrëveshjes mes palëve politike, duke shtuar se “është më mirë të merren vesh, sepse do të pendohen më vonë”.
Po çfarë miri nuk po kryhet asnjë punë, më mirë është të merren vesh, edhe familjet kur merren vesh është më mirë se jo vetëm në shtet. Ka me ndikuar dikur dhe do të bien pishman. Nuk kam koment për Kurtin nuk mund të them asgjë për të”, ka theksuar Doda.
