Një video që po qarkullon me shpejtësi në rrjetet sociale ka ndezur debat në opinionin publik. Në pamjet që janë bërë virale, shihet se Brigitte Macron, bashkëshortja e presidentit francez Emmanuel Macron, e shtyn atë në fytyrë ndërsa po zbrisnin nga avioni presidencial në një vizitë zyrtare në Vietnam.
Në video, Brigitte duket duke e shtyrë Macronin përpara, pak para se ai të zbresë shkallët e avionit. Presidenti shihet duke u tërhequr për një moment, para se të rikuperohet dhe të përshëndesë kamerat në pistë.
Pas shpërndarjes së gjerë të pamjeve dhe reagimeve në media, Macron ka thyer heshtjen dhe ka komentuar për herë të parë ngjarjen.
“Isha duke u ngacmuar, ose më saktë duke bërë shaka me gruan time, nuk është asgjë”, ka thënë presidenti francez për gazetarët, duke minimizuar incidentin.
Ai ka shtuar se nuk është hera e parë që pamjet e tij interpretohen në mënyrë të gabuar nga njerëzit:
“Kjo nuk është hera e parë në javët e fundit që përmbajtja e videove të mia është shtrembëruar nga njerëz që unë i përshkruaj si ‘të çmendur’.”
Videoja është regjistruar gjatë një ndalese në turneun diplomatik të Macron në Azinë Juglindore, ku ndodhej për takime bilaterale dhe zhvillime të bashkëpunimit ekonomik.