Policia e ka shpallur në kërkim Bujar Pantinën.
Ai kërkohet nga autoritetet e sigurisë për veprën penale “Blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge”.
I njëjti sipas njoftimit nga data 4 shkurt gjendet në arrati.
Tutje në njoftim, policia ka publikuar edhe të dhënat shtesë si dhe fotografinë e personit në fjalë.
“Andaj me autorizim të prokurorit kërkojmë bashkëpunim nga të gjithë qytetarët që të na ndihmojnë në arrestimin e tij, që nëse kane çfarëdo informate apo din diçka për vendndodhjen e të dyshuarit në foto, të raportojnë policinë në Prizren në numrin 192, në rrjetet sociale, në faqen zyrtare të Facebook-ut të policisë apo në cilin do stacion të policisë në Kosovë”, thuhet në njoftim.