Edhe punëtorët të bizneseve shprehën pakënaqësinë e tyre në protestën së bizneseve me kërksenë për shtyrjen e tregut të lirë të energjisë elektrike, raporton Ekonomia Online.
Bashkim Ukaj nga Korishta e Prizrenit, punëtor i kompanisë “RenualTahiri”, shpreh shqetësimin se mund të humbet vendin e punës në këtë situatë të krijuar.
“Këto kompani që kanë ardhur sot sa miliona kanë humbur. Ne që kemi ardhur këtu mëditje nuk kemi. Qe tre muaj nuk po mund ta zgjedhin një kryetar të parlamentit. Secila parti kur po është koha e votave po ma dinë të gjithë shpinë. Sot nuk po me njeh askush. Sot mund të më largojë shefi nga puna. Nuk na mbajnë kur nuk ka punë. Si të më largojë nga puna ose në qeveri ose në Evropë. Po të mundem as tokën nuk ua lë. Këta janë bërë më zi se ata me brira që janë”, tha ai.
Ndërsa, Afrim Korça, punëtor i kompanisë Brickos SHPK tha se ne e duam shtetin tonë, por me këto kushte që na ka krijuar qeveria nuk e di qysh ia dalim.
“Nëse vazhdon shtrenjtimi i rrymës si ka nisur ne ose firma duhet pakësuar numrin e punëtorëve ose ne vete duhet të kujdesemi që të punojmë në ato kushte të rënda. Megjithëse e kisha porositur qeverinë e kaluar, meqenëse vetë e kam votuar, tash të na biejë krizat në të gjitha anët me energji, në vend se të na japë pak perspektivë ne punëtorëve e vullnet të punojmë këtu. Ajo vetë po na krijon mundësitë që të largohemi detyrimisht nga vendi ynë. Po flitet se po braktiset shteti. Shteti braktiset në qoftë se nuk krijohet mundësi, të shtrenjton rrymën, barnat, bukën. Ne nuk e dimë nëse nuk i ke kushtet si jeton. Ne e duam shtetin tonë, por me këto kushte që na ka krijuar qeveria nuk e di qysh ia dalim”, tha Korça.
