Deputetja e Partisë Demokratike të Kosovës, Eliza Hoxha, ka reaguar në lidhje me vendimin për liberalizimin e tregut në energji.
Ajo ka thënë se askush nuk është kundër liberalizimit, por jo vetëm me një kompani si e para.
“Njeriu i cili jeton vetëm për dhe me drama do analizë e diagnozë të vërtetë. Kurti si majtist tani flet për liberalizim tregu në energji e ne të tjerë duhet të bijmë sërish në grackën e tij e të flasim se sa keq po bënë.
T’a bëjmë të qartë se askush nuk është kundër liberalizimit t tregut.
Por ama nuk mund të quhet e as të bëhet liberalizimi kështu si e proklamon deputeti aka Kryeministri ilegal në detyrë z.Kurti bashkë me ZRRE-në.
Nuk ka liberalizim me vetëm një kompani si e para.
E dyta le të supozojmë se do kishte më shumë kompani, e kam thënë edhe më heret dhe po e ripërsërisë që duhet një afat tranzitor për të lënë hapësirë e mundësi për bizneset që të përgatiten për të operuar në rrethana të reja” – ka shkruar ajo.
Tutje, Hoxha ka shtuar se ky vendim dëmton sektorin që është taksapaguesi më i madh i buxhetit të shtetit.