Deputetja e PDK-së, Eliza Hoxha, ka folur për një postim që pati sot në rrjetin social në Facebook, në të cilin tha: “Njeriu i cili jeton vetëm për dhe me drama do analizë e diagnozë të vërtetë”.
Në emisionin Edicioni Special në Klan Kosova, ajo ka deklaruar se fjalën e pati për kryeministrin në detyrë Albin Kurtin, që sipas saj, po i mban dy pozita, e kjo është e jashtëligjshme.
“Do diagnozë të veprimeve të tij si kryeministër i jashtëligjshëm në detyrë dhe si deputet i Kuvendit të Kosovës. Jo vetëm si pozicione, por edhe si veprime të jashtëligjshme, dhe normalisht si dy pozicione paralele. Kjo është eshë shembje e rendit kushtetues, cenon integritetin e të gjitha institucioneve, qofshin ato në detyrë Qeveria që nuk është zgjedhur ende, qoftë edhe Kuvendi i Kosovës”, ka thënë Hoxha.
“Nëse ky është qëllimi i Kurtit që nuk dua të besoj, në fakt qëllimit ia ka arritur ta zhbëjë, ose ta fus në proces të zhbërjes shtetin e Kosovës. Nëse nuk funksionin Kuvendi, nëse një person i cili mundohet të ketë ushtrim detyre në të gjitha pushtetet, që preciziohen me Kushtetutë, e që janë të ndara, ligjvënia, ekzekutivi dhe drejtësia, janë të ndara si pushtete me Kushtetutën e Kosovës”.
“Nuk mundesh t’i ushtrosh disa në të njëjtën kohë, janë shumë qarta të ndara edhe me Kushtetutë edhe me ligjet në fuqi se ku fillon njëra dhe ku përfundon tjetra, kjo ndërthurje ose më mirë të them ky anashkalim i krejt këtyre detyrave e shemb rendin kushtetues me apo pa qëllim”, u shpreh Hoxha