Ushtarët e Policisë Ushtarake të caktuar në Komandën Rajonale Lindje të misionit të udhëhequr nga NATO, KFOR, kanë përfunduar me sukses një trajnim të përbashkët për armët, së bashku me pjesëtarë të Ushtrisë Polake.
Qëllimi i ushtrimit siç thuhet, ishte ruajtja dhe përmirësimi i aftësive të të shtënave përmes testimeve individuale me armë, duke garantuar një nivel të lartë gatishmërie dhe sigurie, transmeton Klankosova.tv.
“KFOR vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së – për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë, si dhe për të siguruar lirinë e lëvizjes, në çdo kohë dhe në mënyrë të paanshme.
Ky mision punon ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), në kuadër të përgjegjësive të tyre për reagim ndaj situatave të sigurisë”, shkruhet tutje në njoftimin e KFOR-it në Facebook.