Shefi i Shtabit të Ushtrisë së SHBA-së për Evropë dhe Afrikë, Levon E. Cumpton, tha se aftësia për të ndërtuar ndërveprueshmëri dhe gatishmëri së bashku siguron jo vetëm siguri dhe stabilitet rajonal, por ndikon dhe mbështet parandalimin dhe stabilitetin global, raporton Ekonomia Online.
Ai deklaratën e bëri në Poligonin e stërvitjes në Babaj të Bokës, në kuadër të ushtrimit ndërkombëtar shumëkombësh “Defender Europe 25”.
“Me shumë vende që bashkohen, mikpritja juaj këtu për “Immediate Response” është e jashtëzakonshme. Dhe është një dëshmi e qartë se kur njerëzit dhe vendet janë të gatshëm të bashkëpunojnë për vlera të përbashkëta dhe përkushtim ndaj njëri-tjetrit, çdo gjë është e mundur. E vlerësojmë shumë këtë marrëdhënie dhe partneritet. Jemi mirënjohës për marrëdhënien me Divizionin e 28-të që është këtu dhe Steve Osborne. Nuk e di se ku është Programi i Partneritetit Shtetëror me Gardën Kombëtare të Ioëas që ka vazhduar për shumë vite dhe është shumë i rëndësishëm. Aftësia për të ndërtuar ndërveprueshmëri dhe gatishmëri së bashku siguron jo vetëm siguri dhe stabilitet rajonal, por ndikon dhe mbështet edhe parandalimin dhe stabilitetin global. Prandaj, faleminderit që jeni një mikpritës kaq i bukur”, tha ai.
