Në ditën e Kurban Bajramit, qytetarë të Prishtinës kanë ngritur shqetësimin për ndotjen e ambientit nga hedhja masive e mbetjeve të kurbanëve.
Në faqen “Vrojtuesit e lagjes – Prishtinë”, është publikuar një video e një traktori të ngarkuar me mbetje kafshësh dhe material tjetër, e cila thuhet se është bërë në fshatin Lebanë, në hyrje të autostradës.
Postimi shoqërohet me kritika të drejtpërdrejta ndaj qytetarëve që nuk respektojnë ambientin dhe ndaj institucioneve lokale, konkretisht Komunës së Prishtinës, e cila sot ndodhet në pushim për shkak të festës. “Fetar edhe me gjuit berllog nuk shkon,” thuhet në postim, duke shprehur pakënaqësinë për papërgjegjësinë që po shfaqet në këtë ditë të shenjtë.