Në Ditën Ndërkombëtare për Eliminimin e Dhunës Seksuale në Konflikt, instalacioni i saj Alketa Xhafa-Mripa “Mendoj për Ty”, është shfaqur para objektit të Këshillit të Evropës në Strasburg.
Kryeministri në detyrë, Albin Kurti kta hënë se puna e Alketa Xhafa-Mripës e ka kthyer dhimbjen në motiv dhe heshtjen në kujtesë të fuqishme publike.
“Si një artiste nga Kosova me famë ndërkombëtare, ajo vazhdon të flasë për ato e ata që nuk do të harrohen kurrë. Sot, në Ditën Ndërkombëtare për Eliminimin e Dhunës Seksuale në Konflikt, instalacioni i saj “Mendoj për Ty” ngrihet në Strasburg, në kryeqytetin evropian të të drejtave të njeriut”
“E rrënjosur në vuajtjet e të mbijetuarve të Kosovës – 20,000 gra, fëmijë dhe burra të dhunuar gjatë luftës – puna e Alketës tejkalon kufijtë. Ajo kujton, por edhe kërkon. Zgjon ndërgjegjen, bën thirrje për llogaridhënie dhe këmbëngul që drejtësia duhet të mbizotërojë”, ka shkruar Kurti.
Ai shtoi se përmes artit të saj, Kosova qëndron krenare – “jo vetëm si një vend që ka duruar, por edhe që udhëheq. Nuk mund të ketë shërim pa drejtësi. Nuk ka paqe pa i dhënë fund pandëshkueshmërisë”.